Ikaskuntzak partekatzeko gogoetatik eta amesten dugun unibertsitatearen eraikuntzarako alternatibak sortzeko nahitik sortu da gida hau. Emaus Gizarte Fundazioak bultzatu du, Aradia Kooperatibak landu du, eta unibertsitate-eredu eta gizarte-eredu alternatibo baten eraikuntzan sakontzen jarraitzeko sortutako produktu multzo zabalago baten parte da.
Orrialde hauetan, feminismoek —beste gizarte-mugimenduekin elkarrizketan— eskaintzen dizkiguten markoetatik abiatuta, unibertsitate-ereduari beste bira bat emateko aukera ematen diguten orientabideak jasotzen dira. Izan ere, erakunde bizi baten iruditeria berreskuratu nahi dugu: inguratzen gaituzten larrialdiei erantzuteko gai dena, eta jakintzaren eta esplorazioaren gune gisa izan beharko lukeen aldaketa sozialaren lokomotora bihurtzeko ahalmena duena.
