Gure sorreratik, sare, erakunde eta gizarte-mugimenduekin sinergiak, esperientziak eta agenda komunak antolatzen ditugu, bai tokian tokikoak, bai nazioartekoak. Esparru horretan, Herri Hezkuntzari buruz eta praktikatik eta unibertsitatetik jakintzak sortzen dituzten eragileen arteko artikulazioari buruz hitz egiten badugu, UPMS da mundu mailako adierazle handienetako bat.
UKStik, UPMSren esperientziarekin batera espazioak artikulatzearen alde egiten dugu, Euskal Herriko testuingurura lurreratuz, eta, horregatik, aldian behin baliabideak, argitalpenak eta ekitaldiak igotzen joango gara, gure lurraldean antolatu nahi dugun esperientzia honen berri izateko. Hasteko, Boaventura de Sousa Santos irakasleak, UPMSren sustatzaile nagusia den eta Gizarte Mugimenduak eta Unibertsitatea artikulazioaren mundu mailako erreferente denak, esperientzia horren jatorria, ibilbidea eta helburuak azalduko dizkigu bideo honetan.
