UKSren helburu nagusietako bat da ezagutza herrikoia eta kontra-hegemonikoa eraikitzeko espazioak antolatzea, Unibertsitate Publikoa eraldatzeko dugun bokazioagatik, eta gure erakunde publikoen eta gobernu-organoen Goi Mailako Hezkuntzaren esparruan eragin politikoaren aldeko apustua egiteagatik.
Jarrera horrekin bat etorriz, espazio horiek artikulatzeko lana egin nahi dugu, eta Gizarte Mugimenduen Unibertsitate Popularraren Metodologian (aurrerantzean UPMS) aliantza egokia eta beharrezkoa aurkitu nahi dugu, eremu politiko kritikoa, artikulatua eta berezko agentziaduna eraikitzeko, gure administrazio publikoek beren politikak garatzean kontuan hartu beharrekoa.
Prozesu hori, kultura arteko kontzentizazio politikorako eta itzulpenerako espazio gisa hartzen dugu, helburu honekin: batetik, jakintzaren ezagutza elkarrekikoa eta horizontala garatzea, gizarte-mugimendu eta -erakundeek eta jakintza intelektual akademikoak osatzen duten espazio baten bidez. Espazio horren bidez, eragileek ekintza-esparru bateratuak definitzea nahi dugu, jakintza handituz eta estrategia bateratu kontra-hegemonikoak ezarriz.
Horregatik guztiagatik, UKS-UPMS gunea jarri dugu abian, lurraldetik eta lurralderako elkarlanean hasteko.
Garatutako proposamen metodologikoa aurkezten dizuegu, eta parte hartzera gonbidatzen zaituztegu.
