Unibertsitateko ikasgeletako diskurtso faxisten inguruko kezka
Unibertsitate Kritikoa Saretik gure kezka adierazi nahi dugu unibertsitateko geletan dauden diskurtso faxistak direla eta. Adierazpen horiek oinarrizko askatasunen aurkako erasoa dira, norbanakoena zein taldeena, eta arriskua dute buloak, diskurtsoak eta gorroto-jarrerak sustatzeko eta legitimatzeko, beraz, onartezinak hezkuntza-ingurunean eta gizarte justu eta demokratiko batean.
Irakasleek eta unibertsitate-erakundeek funtsezko erantzukizuna dute bizikidetza, errespetua eta giza eskubideen defentsa sustatuko dituen unibertsitate-espazio bat sortzeko, elkarrizketan, pentsamendu kritikoan eta edozein diskriminazio-moduri aurre egitean oinarritutako hezkuntzaren bermatzaile gisa jardunez.
Egungo eskuin muturreko diskurtsoen gorakada eta naturalizazioa nabariak dira. Horrek gizarteko sektore zabalei, batez ere batez bestekoa baino kalteberagoak direnei, larriki eragiten dieten gertakari diskriminatzaileak, erasoak sortarazten ditu. Uste dugu unibertsitateak gogoeta egin behar duela ikasgeletan eta unibertsitate-bizitzan presente egongo den pedagogia antifaxista baten egokitasunari buruz, elkartasun-, justizia- eta berdintasun-balioak zalantzan jartzen dituzten diskurtsoak eta jarrerak identifi katu eta arbuiatzea sustatuz.
Era berean, eta UPV/EHUko Zuzenbide Fakultateko Bizkaia ataleko 301 Taldearen komunikatua irakurri ondoren, ados gaude ikasgelako aniztasun ideologikoa aberasgarria dela eta eztabaida eta pentsamendu dialogikoa eraikitzea funtsezkoa dela, betiere giza eskubideak, pentsamendu-
askatasuna eta demokrazia errespetatuz egiten bada. Ildo horretan, eta ikasleen kontrako narratiba kriminalizatzaileen aurrean, eskatzen dugu gertakariei buruz egiten diren komunikazioek ez dezatela polarizazioa elikatu edo gertaeren larritasuna apaldu. Guztiok gaude aipatzen diren irakasleen askatasunak murriztea dakarten mobilizazioen aurka, baina informazio desegokiak zabaltzeak arreta desbideratu eta hezkuntza-komunitatea desmobilizatzea besterik ez dakar.
Ildo horretan, dei egiten diegu unibertsitate-erakundeei urrats argiak eman ditzaten eskubideen defentsarekin konprometituz eta diskurtso faxistari adi dauden irakaskuntza-jardunbideak sustatuz, legebiltzar batzuetan egin duten bezala, gure unibertsitate publiko maitearen ikasgeletan sar ez dadin.
Unibertsitate Kritiko Sarea
